SESORAH PENGETAN MAULUD NABI

SESORAH PENGETAN MAULUD NABI

Assalamu`alaikum wr.wb

A`udzubillah himinassyaitonirrojiim. Bismillah hirrohmanirohim. Wassolatu wassalamu`ala syaidina muhammadin wa`ala alihi wasahbihi ajma`in amaba`du.

Bapak-bapak, ibu-ibu, sederek kulo sedoyo, monggo-monggo wonten ing enjing punika kita tansah ngunjukaken raos puja-puji syukur wonten ing ngarso Dalem Allah SWT ingkang samoun paring kanikmatan soho kasarasan dhumateng kito sedoyo, saenggo saged makempal wonten ing papan punika kanthi wilujeng kalis nir rubida. Sholawat soho salam mugi kunjuk dhumateng junjungan kito Nabi Agung Muhammad SAW ingkang sampun paring pitedah mergi ingkang leres.

Bapak-bapak, ibu-ibu, sederek kulo sedoyo monggo kito sami ngrekso lan ningkataken keimanan sarono sadar nindakaken amal solih kanthi ikhlas, namung nyadhong rahmat soho ridanipun Allah Ta`ala. Alhamdulillah kito tasih menggihi wulan Rabiul Awwal , tahun 1434 hijriyah, ingkang tiyang jawi mastani wulan Mulud. Keranten woten ing salebetipun wulan Mulud junjungan kito Nabi Agung Muhammad SAW dipun lahirakken ing alam donya. Jelasipun ing dinten Senin, tanggal 12 Robiul awal tahun Gajah. Ingkanng kaleresan tanggal 20 April tahun 571 Masehi.

Lahiripun Nabi Muhammad SAW tumrap kito  sedoyo minongko rahmat sohho nikmat ingkang ageng, keranten menopo sederek? Jalaran kito sedoyo saged mbedaaken halal lann haram, sah soho batil, ugi saged mangertosi pundi agami ingkangsah menggahipun Alloh SWT sedoyo kasebat jalaran wujudipun Nabi Muhammad SAW.

Wal hasil kito  sedoyo saged mentas serto medal saking alam kepetengan(jahiliyah) tumuju dhateng alam ingkang padang inggih punika ad-diin al-islam. Sedoyo kasebat berkat jasa-jasa soho perjuanganipun Rosululloh SAW. Milo wajar menawi kito umat islam ing pundi kemawon papan panggenanipun, sami mboten keberatan, mboten katingal sami isah, sami syukur sarono sedekah kangge ngurmati dinten wiyosipun junjungan kito Nabi Muhammad SAW.

Rosululloh ngendika ingkang tegesipun mekaten:

“Didiko siro kabeh marang anak-anak siro supoyo netepi telung perkoro, yaiku: 1. Demen Nabimu; 2. Demen keluarga Nabi; 3. Demen moco Al-Qur`an.”

Kersanipun arti soho maknanipun remen lan trisno utawi mahabbah dhumateng Nabi Muhammad SAW tambah antep lan anggadahi nilai tambah, monggo kersho ambudidoyo ndhereki dhawuh-dhawuhipun Nabi Muhammad SAW ugi sami usaha nyonto lan neladhani ahlak luhur serto pinuji ingkang sampun kacontokaken dening Rosululloh SAW.

Kados dawuh dalem Alloh Ta`ala:

                Wainnaka la`ala khuluqiin `adziim.

Tegesipun :”Lan satemene siro(Muhammad) anduweni bebuden kang luhur.”

Akhirul kalam, mugi kito tansah dipun paringi dening Allah taufiq soho hidayah, saenggo sarono mekaten kito sedoyo mampu anggayahi dhawuh-dhawuh Nabi kito Muhammad SAW soho monggo kito ngathah-ngathahaken maos sholawat atas Nabi Muhammad SAW kersanipun mangke kito pikantuk derajat khusnul kotimah lan ing tembe gampil nampi syafa`at(pitulungan) Rosululloh SAW ing dinten kiyamat mangke. Amin ya robal alamin

Cekap semanten atur saking kulo, mbok bilih wonten klenta-klentuning rembag kula ingkang kirang mranani, kula tansah nyuwun agunging pangaksami.

Wassalamu`alaikum wr.wb

 http://royhansy.blogspot.com/2013/02/sesorah-pengetan-maulud-nabi.html